السلام عليكم اني من جنت طفله جان عدنه جيران مثل الاهل وجان ابنهم صديق اخوي و اولاد عمي وهوه اكبر مني بـ3 سنوات وجنت طفله واطلع واطب بوقت عصريات وجان يتشاقه وياي واني انزعج منه لانو كل ماطلع الكه بوجهي ويشاقه وياي وشاءت الاقدار وانتقلنه بغير بيت وبغير منطقه رغم مو بعيده بس مر 4 سنوات او اكثر اني مشايفته ولا هوه شايفني انقطعت العلاقه بين الاهل والاصداقاء بسبب مشاغل الحياة لكن بيوم من الايام حلمت بي واستغربت كلت اني حتى اسمه ناسيته وغلست بسس رجعت تحلمت بي مره ثانيه!! واحلام مو عاديه يعني كأنو بيناتنه علاقه حب او اعجاب واني اجاني فضول ليش داحلم بي؟ واني ممفكره بي وحتى ناسيته وكل واحد ملتهي بحياته؟ رحت بحثت عن حسابه بحسابات اخوي واولاد عمي ولكيته وقررت احجي ويا عن الاحلام وبعد جر وعر حجيت ويا بحساب وهمي وماكتله منو اني بس كتله عن الاحلام وحتى ماكتله شنو الاحلام فقط كتله انو احلم بيك وكاللي هيه الاحلام تجي من شي تفكرين بي هواي؟كتله مستحيل واني ناسيتك و جان يلح يريد يعرف منو اني وكتله اسمي وجان مصدوم شلون اني مراسلته وممتوقعني وبقينه نحجي بس ب اوقات متقاطعه لان اصلا مابيناتنه علاقه قويه ولا حاجين قبل بشكل فردي .... وحسيته من خلال حديثه يريدني ازل الساني او احجي بشي يخص انو اني معجبه بي بس اني مانطيت مجال لهذه الشي لانو اصلا مافاهمه مشاعري وهم همه من عائله متحفظه جداً ومتشددين حسيت ياخذ عني نظره.... فا قطعت التواصل وحظرته وحذفت الحساب الوهمي وبعد انقطعت الاخبار رغم هوه يعرف حسابي الاساسي ومارجع راسلني توقعت يرجع يراسل او يبادر ب شي ،، بعدني احلم بي وتعبت من هذه الشي يعني اذا علاقتنه مستحيله ليش ديجيني بالاحلام؟ ومن خلال الاحلام ديتولد شعور بداخلي مادافهمه اعجاب لو فضول لو شنو وماكدر بعد اروح اراسله الاسباب هواي شسوي هسه؟؟