اغلب المرات لمن نريد ندخل علاقة عاطفية تؤدي للزواج لازم نفهم روحنا قبل لا نفهم المقابل بس بالمقابل انخطبت وجان الولد حباب بالبداية بس بمرور الايام بدأ يتحسس من ادنى الكلمات لدرجة اشك بروحي وخلاني اخاف من كلامي وياه خاف يتأذى من ادنى شي جان يطلعني خطأ ويشككني بنفسي ويسوي الحباية كباية بعدين يرجع ويعتذر ويراضيني باكثر الكلمات الحلوة ومن يكلي هو جان غلطان ارجع افكر بالمشكلة ويطلع هو غلطان بالرغم افعاله جانت تكلي اني غلط اتعجبت شلون يطلعني خطأ بنظر نفسي واني ما حاسه هيج ليا درجة هو وصل وما اعرف اذا هو انسان صح او لا اني تربيت بشخصية اكثر اتحمل فوق طاقتي وما اعرف شنو حد طاقتي حتى اكول هالشي مو الي وما اكدر اله بس اني بنفس الوقت اريد اخذ راحتي بالاسلوب والكلام وهو ولد حباب بس كلش حساس ويتحسس بس اني متقيدة بالاسلوب وصرت انتقائية وهالشي مو حلو بالعلاقة وما اعرف اذا افسخ الخطوبة وانتظر الافضل او ابقى .