العام جنت أداوم بمدرسة أهلية (دوام مسائي) أدرس رابع وخامس علمي إنكليزي براتب ٤٠٠ تدريسي جان ممتاز بشهادة الإدارة وكل المدرسين. ببدء السنة (شهر 8) من جيت أجدد العقد، المدير كلي راح أنزلج متوسطة بحجة الطلاب يكولون متشددة! رفضت لأن المتوسطة دوامهم صباحيواني عندي أمي مريضة لازم أداريها الصبح وأطبخ قبل الدوام، وكلي بعدين نقرر. بيوم توزيع الحصص قبل الدوام بيومين كنا 5 مدرسين إنكليزي (بينهم وحدة جديدة تعينت لأن أخت مدرسة وياهم). المعاون أجل توزيعنا، وبعدين وزعوا كل المدرسة وبقيت اني والجديدة. من سألت المدير كلي راح أنطيج متوسطة! بس من رجعت للبيت، نزلت القوائم وصدمتي جانت اسمي ماكو لا بالإعدادي ولا بالمتوسط، والمدرسة الجديدة منطيها الإعدادي بمكاني وراها دزلي المعاون رسالة يكولي: صرتي ابتدائي (أول وثاني) وروحي استلمي حصصج من المديرة طبعاً انصدمت لأن لا الراتب يناسبني ولا هذا اتفاقنا. اتصلت بمديرة الابتدائي واعتذرت منها ورفضت، وهي بنفسها كلتلي الإدارة جانوا يمدحون خبرتي بس نزلوني ابتدائي الي قهرني مو بس المحسوبية، وإنما قلة مهنيتهم وخوفهم من مواجهتي استغفلوني خلوني لآخر يومين من الشهر حتى يحطوني أمام الأمر الواقع ويضيعون عليّ فرصة أقدم بغير مدرسة. وحسبي الله ونعم الوكيل عليهم راحت عليه السنة بدون دوام لان رحت بعدها هواي مدارس ما محتاجين