مرحبا جنت أداوم بمدرسة أهلية ادرس ولد رابع وخامس علمي لغة إنكليزية العام ودوامي كلة مسائي وجان رد الإدارة ان تدريسي ممتاز واني متمكنة من المادة ومو بس هم وانما كل المدرسين نفس الكلام حتى من قدمت على المدرسة بوقتها المدير كلي وين جنتي ما قدمتي قبل حتى بالاختبار كنت ممتازة المهم هاي السنة من رحت جددت العقد المدير كلي راح انزلج تدرسين متوسط هالحجي شهر ٨ بدايته كتله ليش ؟ كلي الطلاب يكولون هواي تشدد علينا المهم كتلة اني ما يناسبني دوام متوسط لان صباحي بحكم وضعي بالبيت وامي مريضة لازم اكون موجودة وياها بالبيت فترة الصباح أعطيها علاجها واطبخ واروح للمدرسة المهم كلي ماكو قرار اكيد بعدين نقرر خلص شهر الثامن وبيوم الخميس دزو علينا حتى يوزعون الحصص لكل المدرسين مديرة الابتدائي وزعت الحصص على معلماتها وراحوا وبعدها كالو مدرسين المتوسط والإعدادي خل يجون هنا وباشر يوزعون الحصص وصلو الي جان المعاون يكول للشخص اللي يوزع الحصص جماعة الإنكليزي عوفهم بعدين وزع عليهم بوقتها كنا خمس مدرسين إنكليزي ووحدة من المدرسات جديدة ( أخت مدرسة الاجتماعيات صارلها كم سنة وياهم ) وزعوا ٣ من المدرسين على المراحل المتوسطة لكل مرحلة مدرس بقيت اني والمدرسة الجديدة ما أعطونا حصص رحت للمدير كتله أستاذ شنو راح تنطيني متوسط لو اعدادي ؟ كلي ها راح انطيج متوسط لو اول لو ثاني مع ان هم قبل دقايق وزعوهم !! من رجعت للبيت ورة ساعة اجه أشعار للكروب أسماء مدرسين المتوسط وأسماء مدرسين الإعدادي واسمي مو من ظمنهم ومدرسة الإعدادي مخلين المدرسة الجديدة واجت رسالة الي من المعاون كلي مرحبا ست راح تدرسين ابتدائي روحي راسلي المديرة خل تنطيج الحصص !! اني انصدمت شنو ابتدائي لا الراتب يناسبني ولا هم جايبين طاري ان ينزلوني ابتدائي المهم اني اتصلت على المديرة واعتذرت منها ماكدر والمشكلة منطيني اول وثاني ابتدائي بعد ما جنت اخذ اعدادي موقفهم ابد مو مهني وماعندهم شجاعة حتى يواجهوني بالمدرسة اجو راسلوني اللي ضوجني تصرفهم ان ما كالولي طول الشهرين حتى أشوف فرصتي بمدرسة ثانية خلوني باخر يومين كالو الي عبالهم اقبل بالأمر الواقع عاد اني اتصلت على المديرة وفهمتها موقفي ورفضت وهي اكثر من مرة كلتلي انتي صاحبة خبرة وممتازة وبيوم الاختبار جنتي كلش زينة وكلت للمعاون كلي اخذي فاطمة تفيدج يقصد عليه حسبي الله ونعم الوكيل عليهم