السلام عليكم، آسفة إذا رسالتي طويلة، بس محتاجة نصيحتكم لأن ما عندي أحد أحچي وياه. تعرفت على شخص بنية الزواج، ومن البداية كان جدي وما طلب مني صور أو مكالمات. بعد أسبوع تقريبًا تقدم إلي وأجا لبيت أهلي مرتين، لكن تأجلت الخطوبة بسبب وضعه المادي. هو حاليًا يشتغل بشركة وراتبه تقريبًا 500 وما عنده غير سيارته، ويريد يرتب أموره حتى يجيب المهر ويجي رسميًا. أمي وأختي يعرفن بالموضوع، لكن أبوي ما يدري، وهو يريد يكون إلي مهر وحقوق واضحة. أنا ما يهمني المال، أهم شي الاحترام والتقدير. المشكلة إن زوج أختي يدخل لحسابها ويقرأ محادثاتها، ومن ضمنها محادثاتي وياها عن هذا الشخص، وأخاف يكون مصورها أو محتفظ بيها ويوصلها لأبوي ويسوي مشكلة. لذلك قطعت التواصل وگلت له إذا جدي تعال رسمي، وهو قال يحاول يجهز للخطوبة بشهر واحد. أنا صليت استخارة أكثر من مرة وحسيت براحة، بس أخاف تعلقي بيه يخليني أتغاضى عن أشياء مهمة. أحيانًا يحچي كلام يجرحني وبعدين يعتذر. وسألني عن الدراسة، ولما گلت ما أريد أكمل قال إنه مع رأي أمي وإذا أريد يساعدني، وخفت يكون يريد زوجة متعلمة، خصوصًا أني تركت الدراسة من الابتدائيه أتمنى تنصحوني، وشكرًا