تزوجت جديد ، من انسان محترم وواعي ، ومختلف بكلشي عن اهله واولهن التفكير ، مؤخرا اكتشفت نفسي حامل وطلعت بنوته ، علرغم من هذي اول فرحتنه واول طفله النه تفاجات بيه يكلي : ( لا تستغربين اذا اهلي عرفو بيج بنيه وما فرحولج لان تفكيرهم تفكير شرقي ويفرحون بخلفة الولد اكثر يكفي انو اني وياج فرحانين بيها وعلى كل حال اني المسؤول عند تحديد نوع الطفل بعد رب العالمين ) كلامه جان واقعي بس بنفس الوقت كسر واهسي بفرحة اول طفل النه ، صحيح اني عرفت تفكيرهم من زمن بس جنت اجذب روحي خصوصا لما يفرقون بين جهال مرة حمايه الولد والبنيه ، وكلام اخته الي عباره عن مقدمه مواساة وتهوين لو طلعت حامل ببنيه كانو البنيه شي غلط !! شلون اكدر احمي نفسي واعصابي وي هيج عيال مستقبلا ، خصوصا واني كاعده وياهم ببيت واحد .