السلام عليكم اتمنى تقرون المشكلة لنهاية وتنطوني حل بدون تجاوز رجاءا الوضع ابد ممتحمل واصلا صار صار يعني الوم والتجاوز مراح يسوي شي رسالتي شوي طويله تحملوني اعتبروني اختكم اني دكتورة اسنان عمري ٢٦ سنه الوحيدة بنيه لاهلي على ٤ اخوان ومدلله ابوي توفه قبل ٧ سنين الحالة تأزمة امي صارت مريضه واخواني كلها تزوجو ضلت تنك امي وتلح على زواج فترة جان شاب مرتب يتردد على العيادة مالتي كلش حلو وشخصية وجنتل جانت بينه نضرات المهم بدينه نتواصل ويسال على مراجعة التقويم وتاذيت وهيج جنت اني اخذ وانطي وياه بالكلام يوم جنت مريضه اني مالي خلك ومراجعين كومه فلابسه بس صاية وشال هيج لافته باهمال ومكياجي طبيعي يعني كملت نزلت لسوبر ماركت شفته وياه مرة مبهذله شوي ولابسة عباية سلم عليه عادي باريحية وراحو داخذ اغراض اعبي السله سمعتها تكله باوعلها غير حاته تخبل وهوه يعيط بيها ويكلها عيب فشلتينه المهم بتسمت وعبرت راحت ايام اجت ايام اعترفلي وهوه عمرة ٣٥ سنه المصيبة وين هوه متزوج وهاي جانت وياه مرته ومشاكل بينهم بشهادة يكول ٣ شهور عندي وباقي سنه بيت اهلها عندة جهال ثنين ولد وبنيه الولد ١ بتدائي والبنية ٣ بتدائي بالبداية