السلام عليكم حبايبي ماعرف منين أبدي بس ححاول اختصر شكد مااكدر اني متزوجة بس مريضة بمرض نادر وكل فترة اتخربط وتسوء حالتي ف من تزوجت لحد هسه زوجي موكف وياي ابد ولا اهتم بيه كل مااسوي عملية اجي ل أهلي ياخذوني وصار ٥ أشهر يم أهلي تمرضت وساءت صحتي كلش وهو طول هل أشهر عايفني أعاني وحدي وابد ماوكف وياي ف من بعد هلفترة اجه يريد ياخذني واني ماريد ولا اكدر اتقبله واعتمد علي واكول عندي رجال ويخاف عليه للعلم معندي اطفال ف قررت انفصل لأن تعبت واني احارب وحدي رغم مرضي وكفت ويا بكلشي يشهد الله وخليته بعيوني وماقصرت بشي بس مليت واني انتضر منه اهتمام وانتضر يحس بيه رغم مرضي يعتمد علنفسية واحتاج أحد يمي ويخفف عني بس مالكيته وأهله ظلموني يكلولي انتي مو مريضة جذابة واني يوم بعد يوم الورم يزيد عندي يوم بعد يوم داتكطع من الوجع ميهون عليه ادمر حياتي بس نطوني حل اترجاكم شنو فائده الزواج إذا مجان زوجج يمج ويسندج وكفتله بالمره قبل الحلوة هو وأهله ونطيتهم روحي بس من تمرضت تخلو عني ونسو كل زيناتي وصارو يعيروني بمرضي ويكولون الي بكدها صار عدها أطفال وهيه ماعدها ومو مريضة تجذب واني مخلصتها دكاترة وعلاجات والله 🥺