انا حرفية مخلصة ثالث متوسط تعينت عقود مع مجموعة من لبنات بمدرسة اول ماقدمت المديرة كلتلي اخليج عاملة كتلها استحي تكلي ليش تردين احطج دكتورة دائما انهان بسبب شهادتي مو اول مرة وجانت وحدة واكفة هم هي عقود وياي مخلصة كلية متخرجة يعني ودا تكمل هم وهي صارت مدرسة رياضيات كالت للمديرة بعدها صغيرة خطية خليها كاتبة ليش عاملة واني اساعدها بالكتب هم و وافقت المديرة لمهم هي دوم تشجعني هاي لبنت و واكفة وياي ودائما تمدحني بشكلي بملابسي بكلشي وكل الكادر يحبوها ويعتمدون عليها الصراحة اني حزت بنفسي ليش اني مو مثلها شكد جاي احاول اقدم سادس خارجي وافشل وهي من نجاح لنجاح تخيلو عدنه حرفيين حراس الي همه من مستواي هم عافوني وخطبوها هي برغم مستواها اعلى منهم بس مادري ليش الكل يحبها صرت اتنرفز من وجودها اريدها تبطل من دوام ما اريد اشوفها جاي احاول اقهرها بكل الطرق و ابين الها انو اني ذكية والي هيبتي مو بس هي اكرها كلش ادري هي ماسوتلي شي بس كلها تكول فلانه حرفية حرفية افتهمت ماعندي شهادة وهي دوم يستفسرن عن مستقبلها وشنو حققت ادري هي على نياتها وحاولت دوم تساعدني بس ماعرف اسيطر على نفسي حاقدة عليها مو بيدي