السلام عليكم اني قصتي جنت احب ولد تعرفت عليه ع النت وبقينه سوه تقريباً سنتين بس اني جذبت عليه بكلشي عائلتي واسمي وعمري بس صوري دزيتله اول مره صورتي الحقيقيه بس ماعرف حسيته يحسسني انو اني مو حلوه كل شوي وكال الحب مو بالشكل بعدين كتله هاي مو صورتي مو الي هاي الصوره : ودزيتله صورتي بس حطيتلها فلاتر هواي بحيث حتى اني ماعرفت نفسي بعدين كل شوي يكلي اريد التقي ماكدر نبقه هيج واني كل شوي اجذب عليه واكله راح اجي ونتشاوف وبعدين اكله صار ظرف هو من بغداد واني من البصره بعدين كلي حجيت لامي عليجج واريد تتعرف عليج اني هنا ماعرفت شسوي ضليت اسوي مشاكل حتى نتعارك بعدين كتله ماكدر اكمل وياك وانفصلنه والغريب هو ماحاول يصلح العلاقه الا محاولتين ماتنذكر وهو مو شوي هم جان يخوني ويحجي وي بنات بس هو اتخطى واني لحد الان ماتخطيت صار 5 سنوات ماجاي اكدر اتخطى اراقب حساباته واريد اعرف اخبار عنه واندعي انو رب العالمين يجمعنه بس ماعتقد هواي بجيت وطلبت من رب العالمين يسامحني ويجبر خاطره من انفصلنه بس خاطري ماجاي ينجبر بنات هو من انفصلنه وراها بكم يوم راح وحب غيري ماحجيت وماعترفتله بالحقيقه لان جنت اخاف يعوفني