السلام عليكم اني متزوجة وام لطفلين، اشتغل عقد خدمه وراتبي ما يوصل 350 دينار. مشكلتي بديت احس بيها من اشتغلت، قبل لا اتوظف زوجي جان يتحمّل مسؤولية الاطفال ومصاريف مدارسهم، هسه كلشي صار علي، وهو بدأ يتهاون بشغله وما مثل قبل. حتى لو احاول اضم شي من راتبي، يرجع ياخذه ويكلي “جا شنسوي نصرف”، ما يفكر بيه ولا باحتياجاتي. والله ما اريد غير ابني نفسي واساعد بيتنه، بس الوضع كلش صعب، حتى البيت اللي ساكنين بيه طالبيه من عدنه لان مدتنه خلصت، وراتبي كله يروح عالمصاريف، ما داگدر اوفّر منه دينار، حتى هدومي للدوام اشتريهن من الباله حتى ما اقصر ويا جهالي. اني ما اطلب شي، بس اريده يتحمّل مسؤوليته مثل قبل، لا يعتمد علي بكلشي، لان راتبي ميكفي حتى اساسياتنه. انصحوني شسوي، الله يجازيكم كل خير ويرزقنه الصبر والفرج.