اني استاذة جامعية ادرس الطلاب مسائي والصبح موظفة عقود عمري 29 لمهم اكو حارس بالمدرسة على اساس مخلص ثالث تكلم وياي بخصوص انو معجب بية ومدري شنو بالبداية اخذتة على كد عقلة ورفضت لان هو مواليد 2003 بس بعدين بقى يلح ويحجي لباقي المدرسات انو فلانه ماتريدني لان مستواها اعلى ومدري شنو وابوي من نوع القفل كلش بس يسمع بهيج شي حتى لو اني صح يغلطني ويكعدني بالبيت واني تعبانه على نفسي ما اريد اخسر كل شي علمود طفل لمهم هواي مدرسات حجو وياي علمودة واني مصدومة والله كلها وكفت ويا وتصيح عادي برغم فارق العمر لمهم مادري من وين جاب حسابي وراسلني اقسم بالله اذا كتب جملة صحيحة احتمال انجلط من الفرحة كتابة مايعرف يكتب ونبي مايعرف التنوين من النون والفرق بين ى وا والقران مو قصة استهزاء بس ليش انجبر على هيج واحد كتله تعال اخطب واخلي بابا يرفضة كلي اني بعدني صغير ومو جاهز ومتعوب كتله لعد شكو جاي علية كلي وانتي حاسبة نفسج جبيرة كتله وصلت حدها ترى جنت اقدر مشاعرك وما احب اكسر بخاطرك بس مصخت كلش كعد يحجي علية يمهن ويصيح متكبرة وهي تلعب النفس وضعيفة حيل ومدري شنو اريد اتخلص منه بس ما اكدر اعوف المدرسة بسببة مرتاحة