راح اختصر مشكلتي واريد تگلولي اذا غلطانة او لا وشلون اتصرف؟ ، قبل ٦ سنوات اكتشفت ان والدتي تخون ابوي عن طريق رسائل ومكالمات بالتلفون رغم والدي انسان مثالي اقسم بالله من كل ناحية خلق ودين واحترام وشايلها على راسه ويموت عليها وهي لا مقصرة ويانه ولا وياه"حسب ما جنت اشوف" المهم واجهتها اكثر من مرة وجان جوابها "تسلية" حاولت وحاولت وملخت نفسي في سبيل أحلها وما توصل لوالدي ويتأذى بسببها لكن كل مرة توعدني وتخلف بوعدها واستمرت سنين رغم حتى اخواتي واخوي عرفوا بيها وحاولوا يحتووها وماكو فايدة، الى ان ماتحملت بعد وشيبت من التفكير والقرف اللي اشوفه ، صارحت ابوي بكلشي ، وضربها كسرها تكسر و ع اساس تابت ، سألني ورفضت يطلكها لان اهلها مو سند وكتله مامقصرة ويانه وتحبنا الله يهديها ، المهم هو ورى فترة رجعت علاقته بيها طبيعي ، الا انا لهسه اقرف منها مو متقبلنها راح يصير ٤ اشهر مااحجي وياها وتلعب نفسي مااكدر اتقبل هي امي ولا اكدر الفظها استصعب! هم حرام عليه؟! رغم قايمة بواجبات البيت كلها ناكل سوا ونكعد سوا ومااحجي عليها ولا اغثها بس ماجاي اتقبل ترجع علاقتنا طبيعي لان انلچمت منها جانت الي قدوة ، واذت ابوي!